Kronike
Arrestohet autori i ngjarjes makabër në Elbasan
Pas rreth 24 orësh, policia ka arrestuar autorin e krimit tronditës se ditës së djeshme në Elbasan, Ramis Mici.
Ngjarja ndodhi ditën e djeshme në lagjen “Skenderbej”, ku 37-vjeçari ka goditur me thikë, bashkëjetuesen e tij shtetasen Jetlira Elezin, e cila pas divorcit, martesë nga e cila kishte dhe dy fëmijë, kishte nisur bashkëjetesën me Micin.
Pasi e qëlloi, Mici e la gruan 37-vjeçe të mbuluar me gjak në banesën ku jetonin me qira dhe u largua prej aty me shpejtësi. Ishin pronaret e shtëpisë qe e gjetën të pajetë gruan në mes të dhomës.
Jetlira Elezi ishte dhunuar edhe me herët nga bashkejetuesi, madje kishte kërkuar edhe ndihmën e policisë, e cila pasi e shoqëroi për disa orë dhunuesin e kishte lënë të lirë.
Motiv i krimit të jetë bërë xhelozia në çift.
Ndërkohë autori i krimit, baba i dy fëmijëve, ishte divorcuar, ndërsa pasi kishte gjetur një banesë me qira në këtë lagje, kishte marrë aty dhe bashkëjetuesen e tij.