Kryetari i Partisë Demokratike Lulzim Basha, në një deklaratë për mediat, deklaroi se taksa progresive ishte shkatërrimtare për vendin dhe se Rama e ka pranuar këtë fakt.
“Taksat me programin tonë do ulen./ Ulja e taksave nxit ekonominë, nxit konsumin dhe përmirëson gjendjen e qytetarëve. me taksa më të ulëta, qytetarët do kenë më shumë para, biznesi do kenë më shumë para. Do shkohet tek paga minimale 36 mijë lekë ose 300 euro, me masat që do marrim. Sot ekonomia ka ngrirë. Më 25 prill, Shqipëria do të fitojë, sepse konkurrenca do të funksionojë. Taksa progresive e Ramës ishte shkatërrimtare për vendin. Plani ynë ekonomik është serioz dhe konkret. Koalicioni i 25 prillit garanton demokracinë. Koalicioni ynë fiton zgjedhjet me shumicë dërrmuese”, tha Basha.
I pyetur për deklaratën e SHBA-se se në listat e zgjedhësve nuk duhet të ketë kriminel, Basha nënvizoi se Rama ka qenë ai që ka promovuar banditët në politikë.
“Është turp i madh që Rama lan duart si ponç pilati. Ai solli kriminelët në politikë, kush vuri interesat e tyre personalë mbi interesat e shqiptarëve. Vetëm Rama humb më 25 prill dhe shqiptarët fitojnë në zgjedhje. Akuzat e Ramës janë grahmat e fundit në ikje. Ka dështuar në 8 vjet dhe ka vetëm një fajtor, më 25 prill humb Rama, fiton Shqipëria”, deklaroi Basha.
