Futbollisti shqiptar Zymer Bytyqi ka nënshkruar zyrtarisht kontratë me klubin e njohur turk, Konyaspor.
Futbollisti i kombëtares së Kosovës do të vazhdoi karrierën e tij në superligën turke.
Është vet klubi turk, Konyasport që ka konfirmuar zyrtarisht transferimin e Bytyqit, me të cilin ka lidhur kontratë për dy vite e gjysmë.
“24-vjeçari Zymer Bytyqi, i cili luajti në Viking, një nga skuadrat norvegjeze dhe mund të luajë në të dy krahët pas sulmuesit, nënshkroi një kontratë 2.5-vjeçare me klubin tonë. Zymer Bytyqi, luajti me ekipin Viking në 154 ndeshje, duke shënuar 23 gola dhe 30 asistime. Bytyqi do të veshë fanellën me numër 14 në Ittifak Holding Konyaspor”, thuhet në njoftimin zyrtar të klubit turk.
Me transferimin e Bytyqit, Konyaspor ka tashmë tre shqiptarë në ekip, pasi me këtë ekip luajnë edhe Sokol Cikalleshi dhe Erdon Daci.
Lexo edhe: Sport/ 22-vjeçari shqiptar realizoi dy gola ndaj Gallatasarait
Zymer Bytyqi ka lindur në Belgjikë dhe është 24 vjeç. Ai më parë ka luajtur për Sandnes Ulf dhe Red Bull Salzburg, duke u bërë lojtari më i ri që ka luajtur ndonjëherë në ligën më të mirë Norvegjeze kur bëri debutimin e tij në ekipin e parë në vitin 2012.
