Politike
Belinda Balluku ka një falenderim të pazakontë për gjobëvënësit mediatikë: Më ndiqni se do hedh video pikante
Belinda Balluku ka hyrë Tik Tok.
Ajo ka bërë një reagim mbi vet postimin e saj, ku ka falenderuar ‘gjobëvënësit mediatikë’ për publicitetin që i kanë bërë llogarisë së saj të tik-tok-ut.
“Ndërkohë që po ndjek me kërshëri, se si abuzohet me informacionin, edhe atë më të thjeshtin, bëj me dije se kam hapur një llogari në Tik-Tok, për të qenë prezente në një tjetër grup audience.
Video me të cilën kam nisur këtë llogari, e kam postuar vetë, pasi edhe ministrat apo politikanët, janë po aq njerëz sa çdo spiker, gazetar, bloger etj.
Falënderoj shumë gjobëvënësit për publicitetin e jashtëzakonshëm që më kanë bërë këto orë të para të llogarisë time të re në Tik Tok dhe i bëj me dije, se videot në atë llogari do të jenë gjithmonë pikante, ndaj të më ndjekin me vëmendje, si zakonisht dhe të vazhdojnë publicitetin”, shkruan ajo.