Politike
Berisha refuzon ftesën e Alibeajt: Me pengjet e Ramës nuk negociojmë kurrë
Sali Berisha ka refuzuar thirrjen e Enkelejd Alibeaj për të bashkëpunuar dhe dalë me një kandidat për zgjedhjet e 14 majit duke i cilësuar si pengje të Edi Ramës.
‘Alibasha është një peng i Ramës! Me pengje nuk negociohet kurrë. Po të jetë për të negociuar logjika thotë se duhet negociuar me pengmarrësin, por kjo nuk do të ndodhë kurrë ndonjëherë. Ato që mendojnë se me vulën e plaçkitur të Edi Ramës do të mund të bëjnë Pazar me ne apo thjeshtë zbatojnë porositë e Ramës. Alibasha pengje me të cilët nuk mund të ketë asnjëlloj negocimi. U përdorën si pengje të shpifura nga Edi Rama pë të konfiskuar me gjykatës që armiqtë e ligjit dhe të drejtës, që japin vendime në kundërshtim me kushtetutën me ligjet e vendit dhe më çdo precedent.’- tha Berisha.
14 Maji, Berisha: Koalicioni politik do jetë i gjerë, ekspertët do të vendosin si do dalim elektoralisht
“Diskutimi bashkërendimi për të shkuar drejt fitores. Edhe koalicionet janë në disktutim. Në rrafshin politik koalicioni do të jetë shumë i gjerë. Në rrafshnin elektoral janë duke u marrë ekspertët më të mirë zgjedhorë. Opozita do ta mundë Edi Ramën”, tha Berisha.
Yuri Kim takim me Ilir Metën, ja si e komenton Berisha
Sali Berisha gjatë konferencës për mediat me gazetarët, teksa po sulmonte ambasadoren amerikane Yuri Kim, u pyet në lidhje me takimin e aleatit të tij Ilir Meta pikërisht pak ditë më parë me diplomaten amerikane.
Berisha: Demokratët kanë shkuar në zgjedhje me logo koalicioni. Ajo që thoni ju nuk ka sot demokratë të vërtetë. Nuk ka sot qytetarë shqiptar që nuk dënon me neveri të madhe aktin e shëmtuar të Edi Ramës i cili mendoi se do të caktojë vetë drejtuesit e opozitës edhe me ngrihem e guvernatores Yuri Kim. Ka 6 javë që nuk u thotë shqiptarëve një fjalë të vetme për aferën McGonigal. Ka folur për çdo gjë! Ky është një super skandal.
Gazetarja: Yuri Kim u ul me Metën?
Berisha: Në çfarë aktiviteti ka qenë me McGonigal Ilir Meta!
Gazetarja: Flas për ambasadoren!
Berisha: Ku i shpreh këtu! Unë po ua shpreh ju dhe të gjithë shqiptarëve! Transparenca dhe qëndrimi para ligjit është një detyrim për cilindo. Koalicioni do të jetë një koalicion përfundimtar. PD e drejton koalicionin s’ka diskutim.