Autoritetet italiane kanë zbuluar shifrat e bilancit të pandemisë gjatë 24 orëve të fundit, ku raportohet se kanë humbur jetën 467 persona, në ulje të lehtë nga 492 të një ditë më parë.
Të infektuarit e rinj janë 14372, ndërkohë që ditën e djeshme ishin 15.204.
Por opinioni publik italian është shumë i interesuar edhe për vendimet e nesërme të autoriteteve shëndetësore, bazuar në trendin e rasteve n15 ditët e fundit. Sipas burimeve mediatike, rajone si Veneto, Kalabria dhe Emilja Romanja mund të kthehen të “verdha”, pra me masa më të lehta, që parashikojnë dhe hapjen e bareve dhe restoranteve gjatë ditës, dhe lëvizjen e lirë brenda rajonit.
18 viktima në Greqi
Greqia ka regjistruar shifra më të ulëta nga COVID-19 se sa ditët e mëparshme. 18 viktima dhe 716 raste të reja janë shënuar në 24 orët e fundit, duke përmirësuar situatën epidemiologjike momentalisht.
Autoritetet më shumë të shqetësuara janë për rastet me variantin britanik, pasi 7 janë zbuluar vetëm sot. Nga ana tjetër 268 persona trajtohen në intubim nëpër spitalet greke.
