Dietologia Blerina Bombaj theksoi se aktiviteti fizik është shumë i domosdoshëm, pasi ndihmon në ruajtjen e masës muskulore dhe asaj kockore, që humbasin me kalimin e viteve.
Në “Ftesë në 5” ajo i mëshoi fort teorisë se ushtrimi fizik me pesha parandalon plakjen, duke theksuar se madje është edhe më efektiv se botox.
Ajo theksoi se ideale do të ishte një stërvitje 40 minuta në ditë, duke filluar me stërvitje me pesha, qoftë dhe të lehta, për të vazhduar me kardio dh enë fund me streching.
“Me kalimin e viteve humb masa muskulore dhe kockore. Ndaj është e domosdoshme të bëhet aktivitet fizik, qoftë ecje e shpejtë 40 minuta. Për të luftuar plakjen, unë them më mirë stërvitje se sa botox. Ruajtja e masës muskulore, është shtim vite jetë”, tha ajo.
