“Forex” është një mashtrim, i cili u bëhet qytetareve të ndryshëm, kryesisht të huaj, me arsyetimin se ata po investojnë dhe blejnë aksione në bursë, ndërsa në të vërtetë ata po mashtrohen dhe po u zhvaten shumat e parave të cilat mund të jenë edhe kursimet e jetës së tyre. Shumat e parave të zhvatura mund të variojnë nga 200 euro deri në 500.000 euro.
Kjo është ajo që bëjnë kompani në Shqipëri, të cilat përfitojnë edhe nga papunësia e të rinjve shqiptarë, të cilët nëpërmjet një page të kënaqshme, më e lartë se mesatarja për ta, janë gati të bëhen pjesë e këtij megamashtrimi online. Për këtë ka pasur edhe disa indicie të ndryshme në Prokurori për zbardhjen e të cilave po punohet dhe shumë shpejt mund të kemi edhe finalizimin e një operacioni .
Në bazë të legjislacionit shqiptar, për veprimtaritë financiare, shoqëritë, të cilat zhvillojnë Forex, licencohen nga Banka e Shqipërisë, ndërsa ato që ofrojnë shërbime brokerimi, nga Autoriteti i Mbikëqyrjes Financiare.
Subjektet tregtare që operojnë në Shqipëri aktivitetet e mësipërme në platforma elektronike si rrjedhoje kërkojnë licencimin nga të dyja institucionet. Në Shqipëri rezultojnë vetëm 3 kompani regjistruara që ofrojnë këto shërbime. Këto shërbime realizohen kryesisht dhe me ndihmën e Call Center apo dhe me njoftimet në rrjetet sociale apo faqet internetit, ku një pjesë e shqiptarëve kanë rënë pjesë e mashtrimeve, duke i ftuar që të investojnë në bursë dhe rënë pre e mashtrimeve të skemave piramidale.
gsh/
