Aktualitet
Cakaj dhe Nikolova nënshkruajnë Memorandumin e Mirëkuptimit për bashkëpunim në fushën e turizmit.
Ministri në detyrë për Evropën dhe Punët e Jashtme, Gent Cakaj, gjatë ditës së sotme, ka zhvilluar një takim me Zëvendëskryeministren për Politikat Ekonomike e Demografike dhe Ministre e Turizmit të Bullgarisë, Mariyana Nikolova.
Takimi u fokusua në diskutime mbi nevojën dhe hapësirat që kanë të dy vendet për të inkurajuar edhe më tej bashkëpunimin në fushën e turizmit.
Duke synuar të konsolidojnë marrëdhëniet miqësore mes dy vendeve, të kontribuojnë zhvillimin ekonomik dhe në rritjen e potencialit turistik, në fund të takimit, të dy Ministrat, nënshkruan një Memorandum Mirëkuptimi për bashkëpunim në fushën e turizmit.
Ministria për Evropën dhe Punët e Jashtme
Drejtoria e Diplomacisë Publike dhe Diasporës