Aktualitet
Cakaj me homologen Zaharieva/ Nënshkruhet marrëveshja për bashkëpunim në fushën e Mbrojtjes së Mjedisit dhe Ujërave
Ministri në detyrë për Evropën dhe Punët e Jashtme, Gent Cakaj, po zhvillon një vizitë dy ditore në Sofje, ku pritet të zhvillojë një sërë takimesh të rëndësishme.
Cakaj e nisi këtë vizitë me një takim me Zëvendëskryeministren e Parë për Reformën në Drejtësi dhe Ministren e Punëve të Jashtme të Republikës së Bullgarisë, Ekaterina Zaharieva.
Takimi u fokusua në diskutime mbi avancimin e disa projekteve me rëndësi strategjike, nga nxitja e shkëmbimeve ekonomike deri te zhvillimi i interkoneksionit energjetik. Po ashtu, dy homologët, theksuan se Shqipëria tashmë ka bërë përparim të qëndrueshëm për të vazhduar më tej në procesin e anëtarësimit në Bashkimin Evropian.
Sa i përket bashkëpunimit shumëpalësh, u shpreh mbështetja e plotë e Bullgarisë në kandidaturën e Shqipërisë për të marrë një ulëse në Këshillin e Sigurimit si anëtare jo e përhershme për 2022-2023.
Në fund të takimit, Ministrat nënshkruan edhe marrëveshjen për bashkëpunim në fushën e mbrojtjes së mjedisit dhe ujërave.
Ministria për Evropën dhe Punët e Jashtme
Drejtoria e Diplomacisë Publike dhe Diasporës