GREQI- Në Greqi gjatë 24 orëve të fundit janë shënuar 937 raste të reja pozitive dhe 62 viktima nga koronavirusi.
Numri total i infektimeve në vend ka shkuar 133365, ndërkohë që numri i viktimave është 4.402 që nga fillimi i pandemisë, duke përfshirë edhe përditësimet e ditës së sotme.
Qeveria greke ka ndërmarrë masa të reja anti-COVID për festat e fundvitit, të cilat konsistojnë në ndalimin e qarkullimit të qytetarëve në orare të caktuara, mbyllja e vendeve argëtuese të cilat mund të behën shkak për grumbullime, ashtu edhe mbyllja e dyqaneve të cilat nuk shesin produkte esenciale.
Zhvillimet e fundit, për sa i përket variantit të ri të koronavirusit të shfaqur në Britani kanë bërë që shumë shtetet të mbyllin fluturimet me atë. Qeveria greke ende nuk ka vendosur një mbyllje të kufijve por ka zgjatur ditët e karantinimit pas ardhjes nga Britania e Madhe nga 3 në 7 ditë.
