Në Itali gjatë 24 orët e fundit kanë rezultuar pozitiv me COVID-19 22,211 dhe kanë humbur jetën 462.
Në raport me ditën e djeshme numri i infektimeve dhe i viktimave si pasojë e koronavirusit ka rënë, pasi dje janë shënuar 23,477 raste të reja dhe 555 viktima.
Numri total i infektimeve ka shkuar 2,129,376, ndërkohë që numri i viktimave është 74,621 në të gjithë vendin që nga fillimi i pandemisë, duke përfshirë edhe përditësimet e ditës së sotme.
Italia është një ndër shtetet që pandemia i ka goditur më së shumti, duke sjellë me vete pasoja të shumta socio-ekonomike.
Qeveria italiane, në kuadër të festave të fundvitit ka ndërmarrë masa të reja anti-COVID, duke futur të gjithë vendin në një zonë e kuqe, me qëllim shmangien e një vale të tretë të infektimeve e cila do të zgjasë deri më datë 6 janar.
