Miliona njerëz mund të kenë nevojë për një dozë të tretë të vaksinës në vjeshtë në një përpjekje për të luftuar kërcënimin e llojeve mutante Covid.
Shefat e NHS thuhet se shpresojnë që doza shtesë e inokulimit mund të jepet në të njëjtën kohë me vaksinën e gripit dimëror. Ministri i Shëndetësisë Edward Argar tha se “nuk do të ishte e paarsyeshme” që të ketë vaksinë vjetore përforcuese të koronavirusit për t’u mbrojtur nga llojet e reja.
Ai tha se ajo që ne të gjithë do të prisnim është që çdo vit të kemi vaksinat tona përforcuese të gripit dhe nuk do të ishte e paarsyeshme të sugjerojmë diçka të ngjashme edhe në rastin e Covid.
Ministrat thuhet se përballen me një vendim se cili nga variantet e reja të koronavirusit do të synojë pasi një studim zbuloi se vaksina aktuale e Oksfordit mund të mos jetë në gjendje të parandalojë sëmundjet e lehta dhe të moderuara në llojin e Afrikës së Jugut.
Qeveria po teston me shpejtësi rreth 80,000 njerëz në të gjithë Anglinë në tetë zona kryesore me shpresën për të gjetur të gjitha rastet e variantit të virusit në Afrikën e Jugut. Ministri i vaksinave Nadhim Zahawi tha se vaksinat për tu mbrojtur nga Covid mund të ofrohen çdo vit, në varësi të variantit që mbizotëron në atë kohë.
Profesor Sarah Gilbert, studiuesi kryesor i vaksinës së Oksfordit, tha se ekipi i saj po punonte për të pasur një version të përshtatur të vaksinës së tyre që mund të trajtojë mutacionin e Afrikës së Jugut.
