Një ditë pasi protestat përfshinë Capitol-in në SHBA, Kancelarja gjermane Angela Merkel ka shprehur shqetësimin e saj lidhur me situatën.
“Ne të gjithë pamë dje imazhe të pakëndshme nga pushtimi i Kongresit Amerikan, më zemëruan dhe gjithashtu më trishtuan. Më vjen keq që nga nëntori Presidenti Trump nuk e ka pranuar humbjen e tij, njësoj e u soll dhe ditën e djeshme” shtoi Merkel.
Merkel tha se vetë presidenti duhej të pranonte një pjesë të përgjegjësisë për dështimin në zgjedhje.
“Një rregull themelor i demokracisë është që pas zgjedhjeve do të ketë fitues dhe humbës. Të dy kanë rolin e tyre për të luajtur me mirësjellje dhe përgjegjësi në mënyrë që vetë demokracia të mbetet fituese” – tha Merkel.
Mediat amerikane: Disa anëtarë të kabinetit të Trump kërkojnë largimin e tij përmes Amendamentit të 25-të në Kushtetutë
Mediat amerikane shkruajnë se disa anëtarë të kabinetit të Presidentit në detyrë Donald Trump kanë diskutuar për largimin e tij duke zbatuar Amendamentin e 25-të në Kushtetutën amerikane.
Në terma të thjeshtë, Amendamenti i 25-të parashikon largimin e Presidentit nëse vlerësohet se ai nuk mund të ushtrojë dot detyrën e tij.
Në këtë moment, zëvendës Presidenti merr detyrën e tij, në këtë rast, Mike Pence. Nuk dihet ende nëse ky i fundit e ka mbështetur i një veprimi të tillë.
Me certifikimin e Joe Biden President, Donald Trump ka vetëm 14 ditë në postin e kreut të SHBA-së.
