Sport
Djokovic: Kosova është zemra e Serbisë, ndaloni dhunën
Novak Djokovic ka dhënë mbështetjen e tij ndaj komunitetit serb në veri të Kosovës, ku tensionet ndëretnike janë rikthyer dhe ka pasur përleshje midis trupave të KFOR-it dhe demonstruesve serbë që kundërshtojnë kryetarët e rinj shqiptarë të zgjedhur në katër komunat kryesore në veri me shumicë serbe.
“Kosova është zemra e Serbisë. Ndaloni dhunën!”, ka shkruar kampioni serb në një ekran në fund të ndeshjes që fitoi sot kundër amerikanit Alexander Kovacevic në raundin e parë në Roland Garros.