Policia po njofton baret dhe restorante për masat e reja anti-Covid
Drejtoria Vendore e Policisë Durrës
Nisur nga rastet e shtimit të infektimit me COVID-19, me qëllim shkëputjen e zinxhirit dhe parandalimin e përhapjes së COVID-19, rikujtojmë qytetarët e Qarkut Durrës se:
Vijon të jetë e ndaluar levizja e lirë e qytetarëve nga ora 22:00 deri në 06:00. Personat ose mjetet që konstatohen të levizin jashtë fashës orare do të ndëshkohen me masa administrative në zbatim të Aktit Normativ.
Përjashtohen rastet për personat që duhet të lëvizin për emergjenca shëndetësore apo motive pune.
Personat që lëvizin për arsye pune apo shendetësore duhet të pajisen me autorizim në portalin e-Albania.
Gjithashtu rikujtojmë se është në fuqi fasha orare për mbyllje nga ora 22:00 deri në orën 06:00, për baret, restorantet, fast food, lokalet që ofrojnë shërbim për klientët.
Ndalohen grumbullimet më shumë se 10 persona.
Drejtoria Vendore e Policisë Durrës kërkon bashkëpunimin e qytetarëve të Qarkut Durrës dhe ju bën thirrje që të respektojnë masat e marra për parandalimin përhapjen e infeksionit, me qëllim mbrojtjen e vetës, familjarëve dhe të afërmëve.
