Zherom Boateng nuk do të jetë një lojtar i Bajernit të Mynihut në sezonin e ardhshëm. “Bild” zbuloi se drejtuesit e klubit më të titulluar në Gjermani kanë rënë dakord për të mos rinovuar me ish-kampionin e botës që në fund të sezonit do t’i duhet të kërkojë një skuadër tjetër.
Mosha e madhe dhe forma jo e mirë fizike me dëmtime të shumta ka bërë që drejtuesit bavarezë të jenë skeptikë për t’i ofruar Zheromit një rinovim tjetër. Lojtari ka disa oferta nga klubet më të njohura në Bundesligë si Borusia e Dortmundit dhe Herta e Berlinit që shpreson ta rikthejë lojtarin në qytetin ku u rrit. Boateng pritet të vendosë për të ardhmen pas përfundimit të sezonit aktual.
