Kronike
E goditi makina te vizat e bardha sapo doli nga puna, 36-vjeçarja në Tiranë ndërron jetë
Vajza që shihni në foton e mësipërme është 36-vjeçarja nga Tirana, Merita Ferracaku.
Ajo ndërroi jetë mbrëmjen e djeshme në spital, teksa 10 ditë më parë u përplas nga një automjet tip “Skoda”, teksa po kalonte në vijat e bardha.
Miqtë dhe familjarët kërkuan ndihmë, pasi Merita kishte nevojë për gjak.
E reja prej disa ditësh luftoi me vdekjen, ndërsa dje ka mbyllur sytë përgjithmonë.
Familjarët dhe kolegët e Meritës prej ditësh po kërkojnë që të vihet drejtësi, teksa Policia bëri me dije se shoferi që shkaktoi aksidentin është arrestuar një ditë pas aksidentit.
Blutë e kryeqytetit bënë gjithashtu me dije se gjatë kontrollit të dokumentacionit të automjetit tip “Skoda” nuk janë konstatuar mangësi, si dhe pas kryerjes së testit të alkoolit ka rezultuar se drejtuesi i automjetit, nuk kishte konsumuar alkool.