Bukuroshja shqiptare, Almeda Abazi, ka treguar gjithmonë se djalit të saj Efehan i ka mësuar edhe gjuhën shqipe. Madje ajo është ndeshur edhe me kritikat e fansave turq në lidhje me këtë detaj.
“Sa për informacion, fëmija im ka dy pasaporta, atë turke dhe shqiptare! Nëna e tij është shqiptare! Unë jam shqiptare dhe sigurisht që do i mësoj edhe gjuhën time amtare”, iu përgjigj Almeda gjithë ndjekësve që i komentonin se po i mëson djalit diçka të huaj me forcë.
Ndërsa ditën e sotme, Almeda ka postuar në “Instastory” një video ku tregon këngën e preferuar të të voglit të saj.
Almeda dhe bashkëshorti i saj turk, Tolgahan kanë qenë të ftuar në një emision turk. Gjatë emisionit Efehan i ka kërkuar bukuroshes shqiptare këngën “Qengji i vogël” dhe mami nuk ka ngurruar t’ia vendosë direkt për ta dëgjuar.
Efehan duket se e pëlqen shumë këngën, sepse sapo e dëgjon nis menjëherë të kërcejë. Në këtë formë dashur apo pa dashur, vogëlushi i ka bërë teleshikuesit turq të dëgjojnë shqip.
Nga ana tjetër kujtojmë se Almeda është sërish në pritje të ëmbël. Kësaj radhe ajo dhe Tolgahan do të bëhen prindër të një vajze.
