Shihni çfarë degradimi: Ramaforma gati për mandatin e tretë! Ha ha ha! 🤣🤣
O shakaxhi i integrimit, nëse do kesh fatin të zgjidhesh deputet më 25 prill, me Presidentin Meta do takohesh sy më sy në Parlamentin e ri.
Si në 22 korrik 2016 kur ti nuk erdhe në ballafaqim por e votove Reformën në Drejtësi me bisht ndër shalë. Ky ballafaqim është i pashmangshëm! Kurrë nuk do kesh shpëtim!
Madje do ftohen të gjithë partnerët tanë, që ti i përgojon dhe i diskrediton aq shumë.
Ti vazhdon të bësh ligje antikushtetuese me shpresën për ta vrarë totalisht tek Drejtësia, që ti ke kapur.
Kjo i rëndon edhe më shumë rekordet e tua të zeza, por nuk e ndryshon dot fatin tënd të paracaktuar, që nuk mund të jetë fati i Shqipërisë dhe i shqiptarëve të ndershëm, pa dallime partiake.
Deri në mbledhjen e Parlamentit të ri, që do të dalë nga referendumi i 25 prillit, jepi zemër Ansamblit “Babëzia” dhe shtrëngo fort poturet e gjëra!
Dhe një paralajmërim: Mos guxo të votosh koncensionin e aeroportit! Ti e di mirë se çfarë të pret dhe nuk mund të thuash, që s’je paralajmëruar më herët për këtë.
19/04/2021 , 15:29
“E votove reformën me bisht ndër shalë”, Presidenca i kundërpërgjigjet Ramës: Nëse zgjidhesh deputet më 25 prill, shihesh sy më sy me Metën
Pas daljes publike të kryeministrit Edi Rama teksa prezantonte përmes një monologu dhe programin “Drejtësia që duam”, vjen një reagim nga zyra e Presidencës. Zëdhënësi i presidentit Ilir Meta, Tedi Blushi përmes një postimi në ‘Facebook’ si ka kursyer ironitë në drejtim të Ramës, ndërsa e cilëson atë si ‘shakaxhi të integrimit’.
