Kjo makinë përfaqëson krahët e saj, këmbët e saj, mjetin e saj të vetëm të lirisë”. Ky është apeli i vajzës së një gruaje me aftësi të kufizuara, të cilës i kishin vjedhur makinën.
Rita Damiani bëri një postim prekës në rrjetet sociale, ku tregonte se automjeti ishte i përshtatur për personat me aftësi ndryshe dhe se nënës së saj nuk i kishin vjedhur vetëm makinën, por “krahët, këmbët dhe mjetin e vetëm të lirisë së saj”.
Makina ishte vjedhur më 13 janar në parkimin e një spitali në Bari, ku e moshuara e kishte lënë dhe kishte shkuar për një vizitë.
Dhe apeli i vajzë së saj ka prekur edhe hajdutët. Ata i kanë rikthyer makinën, duke i lënë edhe një letër ku i kërkonin të falur.
“Edhe ne kemi zemër, ju kërkojmë ndjesë, nuk e dinim për problemin tuaj. Ju kërkojmë ndjesë nga zemra, hajdutët”, shkruhej në letër. “Hajdutët e kishin lënë makinë përpara një vile, pronari i së cilës më pas lajmëroi karabinierët dhe na lajmëruan”, tha vajza e të moshuarës.
