Bota
Elon Musk: A duhet ta rikthejmë Trump apo jo
Elon Musk postoi një sondazh në Twitter të premten duke u kërkuar ndjekësve të votojnë nëse do të rikthejnw llogarinë e ish-presidentit amerikan Donald Trump në platformë, teksa rezultatet fillestare treguan se afërsisht 60% votuan ‘po’.
Duke postuar sondazhin e tij nëse do të rivendoste Trump në platformë, Musk shkroi në Twitter “Vox Populi, Vox Dei”, duke përdorur një frazë latine që do të thotë “zëri i popullit është zëri i Zotit”.
Musk tha në maj se do të anulonte ndalimin e Twitter për Trump, llogaria e të cilit u pezullua pas sulmit të vitit të kaluar në Kapitolin e SHBA.
Drejtuesi i Tesla dhe tanimë edhe Twitter tha më herët se një vendim për të rikthyer llogarinë e Trump nuk ishte marrë ende dhe se Twitter kishte rivendosur disa llogari që ishin ndaluar ose pezulluar, duke përfshirë uebsajtin satirik Babylon Bee.