Aktualitet
Emri/ Plagosi 55-vjeçarin me armë, sherr për ullinjtë
Ngjarja në Fushë-Krujë ku 55-vjeçari ka mbetur i plagosur ka ndodhur si pasojë e një sherri për një sipërfaqe me ullinj. Klodian Keqi ka plagosur me armë zjarri Luan Hushin dhe është larguar menjëherë nga vendi i ngjarjes.
Krujë/Informacion paraprak
Rreth orës 09:45, në fshatin Zgërdhesh, Krujë, pas një konflikti për motive të dobëta, shtetasi Luan Hushi, rreth 55 vjeç, është plagosur me armë zjarri nga shtetasi K.Q, i cili është larguar menjëherë pas ngjarjes.
Shërbime të shumta policie kanë shkuar në vendin e ngjarjes për të bërë të mundur kapjen e autorit.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje.