Sport
Formacioni i mundshëm i Shqipërisë, 3 ndryshime krahasuar me Poloninë
Armando Broja dhe Ardian Ismajli janë mungesat e vetme e Shqipërisë për “finalen” ndaj Çekisë, që do të zhvillohet të enjten në “Air Albania” (20:45). Trajneri Sylvinho theksoi në konferencën për shtypin se sulmuesi i Chelsea nuk ia ka dalë dot të rikuperohet për nesër, ndërkohë që SuperSport mëson rreshtimin e mundëshëm të kuqezinjve kundër Çekisë. Etrit Berisha rikthehet titullar mes shtyllave, duke i zënë vendin Thomas Strakoshës, i cili e nisi nga fillimi në ndeshjen me Poloninë. Arlind Ajeti do të zëvendësojë Ismajlin e dëmtuar, duke formuar dyshen e qendrës së prapavijës me Berat Gjimshitin. Në krahë të zakonshmit Elseid Hysaj dhe Mario Mitaj. Nuk ndryshon as mesfusha krahasuar me duelin e fituar 2-0 ndaj Polonisë. Repart ku pritet të rreshtohen Kristjan Asllani, Ylber Ramadani dhe Nedim Bajrami. Ndërkohë, në krahun e majtë të sulmit do e nisi nga minuta e parë Taulant Seferi, njësoj si në transfertën çeke. Ndërkohë që konfirmohen Jasir Asani në të djathtë dhe Sokol Cikalleshi na majë të ofensivës.