FRANCË– Parisi nuk do të vihet nën bllokimet e fundjavës, sipas kryeministrit francez, Jean Castex në përmbylljen e tij të përjavshme mbi Covid-19 të enjten në mbrëmje, raporton korrespondenti i Guardian.
Lajmi erdhi si një lehtësim për parisienët, të cilët kishin frikë se po shkonin drejt një kufizimi tjetër pasi qyteti dhe zonat përreth u bënë një nga zonat në gatishmëri të lartë pas një rritje të infwektimeve dhe vdekjeve nga koronavirusi.
Në jug të Francës dhe Dunkirk, në veri, mbeten në fuqi bllokimi i fundjavës, i cili është shtrirë përreth portit të Kanalit. E gjithë Franca mbetet nën një shtetrrethim çdo ditë nga ora 6 pasdite deri në 6 të mëngjesit.
Castex gjithashtu njoftoi një përshpejtim të vaksinave të shumëkritikuara të Francës me farmacitë që lejohen të vaksinojnë nga 15 Mars. Vaksinat do të administrohen edhe gjatë fundjavave, tha ai, me shpresën për të vaksinuar rreth 30 milion francezë deri në verë.
