Politike
Fredi Beleri në burg, nënkryetari i KE-së: BE të reagojë
Nënkryetari i Komisionit Evropian Margaritis Schinas ka shprehur shqetësimin e tij për burgosjen e Fredi Belerit, i cili u zgjodh kryebashkiak i Himarës në zgjedhjet e 14 majit. eKathimerini shkruan se në një letër drejtuar komisionerit për Zgjerimin e BE-së, Oliver Varhelyi, Schinas thotë se Shqipëria, e cila kërkon hyrjen në BE, duhet të përballet me pasoja nëse kryebashkiaku i zgjedhur i Himarës, Fredi Beleri vazhdon të pengohet të marrë detyrën.
Burgosja e tij, thotë nënkryetari i Komisionit Europian, është një shkelje e procesit të rregullt ligjor dhe mund të interpretohet si një përpjekje për të frikësuar votuesit. Ai theksoi se Bashkimi Evropian, nuk mund të qëndrojë dhe të lejojë shkelje të tilla pa reaguar. Prokuroria e Posaçme mbylli hetimet për kryebashkiakun e Himarës Fredi Beleri. Për SPAK është provuar dyshimi se kryebashkiaku ofruar shtetasit Arsen Rama shumën prej 50 Euro për çdo person që do jepte votën pro tij.