Reperi shqiptar me famë botërore, Gashi, vdes të luajë me pamjen e tij.
Vazhdimisht në rrjete sociale artistin e shohim me një pamje të re. Ai jo vetëm që ka një stil të veçantë në të veshur, por luan edhe me modelet e ngjyrat e flokëve të tij.
Mirëpo, ndryshimi i fundit i Gashit është aq drastik, sa mezi e njohëm! Reperi ka qethur kokën dhe flokët e mbetura i ka lyer në të verdhë platin, duke e bërë të duket kaq ndryshe.
Ai ka ndarë një foto të pamjes së re në InstaStory dhe na u deshën disa sekonda për ta kuptuar cili ishte!
Pavarësisht faktit që ka jetuar dhe vazhdon të jetojë jashtë, ai nuk e ka harruar origjinën e saj dhe këtë na e ka treguar shpesh, sidomos në rrjetet sociale ku shpesh ndan me ndjekësit elemente të kulturës shqiptare, madje edhe ato anë jo shumë të bukura.
Madje, madje, ai e ka shprehur edhe dëshirën që gruaja e tij e ardhshme të jetë shqiptare.
ixon/
Ndonëse flet shpesh për dasmat dhe nuset shqiptare, Gashi është tejet i rezervuar rreth jetës personale dhe nuk preferon t’i ndajë me fansat romancat e tij. Momentalisht nuk dimë të themi nëse është ‘single’ apo jo, por mezi po presim të mësojmë më shumë rreth jetës së tij personale.
