GREQI-Vaksinimi i popullatës së përgjithshme kundër Covid-19 në Greqi do të fillojë në 20 janar.
Lajmi është konfirmuar nga kryeministri grek Kyriakos Mitsotakis, i cili ka deklaruar se vaksinimi do fillojë në 20 janar, duke nisur me moshën 85 vjeç e lartë.
Gjithashtu, ai ka bërë të ditur se platforma elektronike për regjistrimin e personave që do të marrin vaksinën do të hapet më 11 janar.
“Ne vaksinojmë rreth 5,000 bashkëqytetarë tanë në ditë dhe jam i sigurt që me këtë ritëm do të mbajmë planifikimin tonë. Vaksinimi i bashkëqytetarëve tanë mbi 85 vjeç do të fillojë në 20/1 dhe platforma për takime do të hapet në 11/1,”-ka thënë ai.
Ndërsa ditën e djeshme, autoritetet kanë lajmëruar se procesi i vaksinimi po ecën sipas planit, ku deri më tani në vend janë vaksinuar 16, 635 persona.
Greqia ka filluar vaksinimin e me Pfizer dhe BionTech, më 27 dhjetor.
Operacioni i vaksinimit është vendosur që të kodohet me emrin “Liria”, si simbolikë e çlirimit nga pandemia e koronavirusit, duke marrë shkasë edhe nga 200-vjetori i krijimit të shtetit grek.
Që prej fillimit të pandemisë në Greqi janë shënuar 141,453 raste infektimi dhe kanë ndërruar jetë 5,051 pacientë.
