Kryeministri Edi Rama deklaroi sot se Shqipëria ka kaluar nga kategoria “regjim hibrid” në një kategori më të lartë sa i takon indeksit të demokracisë, duke u futur në të njëjtën klasë me BE-në dhe SHBA-të.
“Ditë e mirë për bashkëbisedim me ju, mund të bëni pyetje mbi temën kryesore. Në vlerësimin e fundit të raportit prestigjioz, indeksi i demokracisë nga njësia e inteligjencës së ‘’The Economist’’ Shqipëria për herë të parë pas 3 dekadash ka një rritje dhe praktikisht kapërcim.
Ka dalë nga kategoria regjim hibrid, për në një kategori më të lartë. Faktikisht në 2006 Shqipëria ka figuruar përherë të parë në renditjen e The Economist. Deri në 2013 trendi i vlerësimit të indeksit të demokracisë ka qenë në rënie.
Vetëm pas 2013, dhe kjo është e verifikueshme, mund të shihni grafikun ka nisur ngjitja e qëndrueshme. Ai i 2020 që çuditërisht që ka zënë pak ose aspak vend në pasqyrat e kanaleve të portaleve, socialeve, pasi janë kryesisht për aplikime.
Sjell atë që thashë, kalimi në kategori tjetër të klasifikimit të zhvillimit të demokracisë. Jemi futur në klasë sipas indeksit, me shtetet e BE dhe SHBA.
Vendet e tjera të rajonit renditen në kategorinë e regjimeve hibride. Shqipëria renditet në kategorinë e një demokracie të mirë. Kjo nuk është për të bërë garë dhe të themi se jemi më të mirë se ata. Duke qenë se vijmë nga më poshtë, vlerësimi i indeksit na bën që të kemi rritje. Në një kohë që shumë vende të tjera kanë përkeqësim gjatë pandemisë.
Akoma më e bukur për të bërë një vlerësim me ndihmën e një arbitri objektiv siç është The Economist dhe për të bërë kontrastit mes mjegullës që krijohet nga tymi dhe nga balta, vlerësohet qeveria për reformat demokratizuese, dhe reforma elektorale, ajo reformë aq shumë e mallkuar nga disa palë vendas apo të huaj, konsiderohet si një prej arsyeve të kësaj rritje demokracie. Kemi hyrë në një klasë tjetër, ajo reforma që u tha se ishte një mënyrë për të kapur edhe zgjedhjet. Ajo reformë ka bërë që të respektohet adresa e votës, dhe të mos ketë më voto për njërin, nxirr tjetrin dhe në fund del një i tretë.
Fakti që Shqipëria pati fatkeqësinë e dyfishtë, përballimin në pak kohë të tërmetit dhe pandemisë e rrit dhe më shumë vlerën e këtij vlerësimi. Në kohë krizash, siç janë tërmeti dhe pandemia, ruajtja e mekanizmave që mbrojnë lirinë dhe të drejtat, bëhet më i vështirë. Dëmet janë të mëdha në njerëz dhe në burime financiare nga tërmeti dhe nga pandemia, sigurisht që prekin ekonominë, por mund të kenë pasojë që shtrihen dhe në vetë mekanizmin e sistemit demokratik”.
