Mediat italiane raportojnë se trupi i pajetë i një shqiptari është gjetur mëngjesin e të dielës në shinat e trenit të linjës Venezia-Mestre, në afërsi të stacionit Actv Righi.
Identiteti i shqiptarit nuk dihet ende por dëmtimet e marra në shpinë dhe në qafë tregojnë se ai është përplasur nga treni.
Oficerët e policisë hekurudhore po kryejnë hetimet për të zbardhur shkaqet e ngjarjes. Ndërkohë që mediat fqinje raportojnë se si pasojë e ngjarjes u ngadalësua trafiku hekurudhor.
