Kosova
Joseph: Zelensky ka fuqinë të ndal agjendën ruse në Ballkan, Ukraina ta njohë pavarësinë e Kosovës
Analisti amerikan dhe njohësi i rajonit të Ballkanit Perëndimor, Edward P. Joseph, ka reaguar pas paralajmërimit të presidentit ukrainas, Volodymyr Zelensky, se Rusia po planifikon destabilizimin e rajonit të Ballkanit me një luftë të re.
Joseph ka shkruar se Zelensky ka fuqi për të ndalur agjendën ruse në Ballkan përmes vendimit të Kievit zyrtar për ta njohur pavarësinë e Republikës së Kosovës.
Analisti amerikan ka thënë se njohja e Kosovës do të nxiste lëvizjen vendimtare të Serbisë drejt Perëndimit.
“Zoti President, ju keni fuqinë për të ndalur agjendën ruse në Ballkan duke njohur Kosovën. Nuk do të humbisni municione që merrni nga Serbia. Njohja e Kosovës nga Ukraina do të katalizojë lëvizjen vendimtare të Serbisë drejt Perëndimit. Kështu funksionon”. ka shkruar Joseph.