Politike
Kadilli: Beteja brenda PD-së ligjore është betejë karriere
Ish-deputeti i PD-së, Fatbardh Kadilli është shprehur se përçarja në PD nuk është ligjore por është betejë karriere.
Në një intervistë për Euronews Albania, ai theksoi se Lulzim Basha, Enkelejd Alibeaj, dhe Gazment Bardhi kanë një “sëmundje që futen në labirinte kontinentesh”.
“Është fakt se ka përçarje në PD ligjore. Beteja brenda PD-së ligjore është betejë karriere. Secili aty po synojë se si i ka hallet në partinë , ku do të jetë si funksionarë politik.
Ka shumë deputetë që nuk i dimë as emrat dhe ka shumë njerëz që prodhojnë politikë por nuk janë deputetë. Ka një degradim të madh. Një nga fatkeqësitë e PD-së zyrtare është që se si Basha, si Alibeaj dhe Bardhi që të tre kanë profesionin e juristit, që kanë një sëmundje që futen në labirinte kontinentesh.