Kosova
Kosova dhe Shqipëria duhet të jenë një zë i vetëm
Në kuadër të vizitës së tij në Prishtinë, Ministri në detyrë për Evropën dhe Punët e Jashtme, Gent Cakaj, zhvilloi edhe një takim me Presidenten në detyrë të Republikës së Kosovës, Vjosa Osmanin.
Takimi u fokusua në diskutime për disa hapa konkretë në funksion të bashkëpunimit strategjik në fushën e politikës së jashtme dhe rëndesinë e qasjes absolutisht të bashkërenduar në arenën ndërkombëtare të dy vendeve.
“Kosova dhe Shqipëria, si dy shtete që i takojnë një kombi, duhet të jenë absolutisht një zë i vetëm, sa i përket politikës së jashtme.”- përfundoi Cakaj, lidhur me takimin e zhvilluar me Osmanin.