Kosova
Kurti 20 vjet premtoi bashkim të Kosovës me Shqipërinë, por e anuloi për Greqinë
Ish-kreu i Aleancës Kuq e Zi, Kreshnik Spahiu, ka kritikuar kryeministrin e Kosovës, Albin Kurti, i cili refuzoi ftesën e kryeministrit Edi Rama për të marrë pjesë në një takim joformal mbi Planin e Ri të mbështetjes financiare dhe ekonomike të BE-së për Ballkanin Perëndimor, me justifikimin për të marrë pjesë në simpoziumin e “Symi”-t, që mbahet çdo mes korriku në Greqi.
Në profilin e tij në “Facebook”, Spahiu ka shkruar se Kurti për 20 vite ka proklamuar bashkimin kombëtar, kurse tani takimin e ka braktisur për Greqinë.
“20 vjet premtoi bashkim të Kosovës me Shqipërinë, por e anuloi për Greqinë” – ka shkruara analisti Spahiu në profilin e tij në “Facebook”.
Në një status tjetër, ish-kreu i Aleancës Kuq e Zi ka shkruar se Kurti i mban inat Ramës por jo Greqisë që nuk e njeh Kosovën.
“Në Shqipëri s’erdhi se i hakmerret Ramës. Greqisë nuk i mban inat që s’njeh Kosovën”, ka shkruar Kreshnik Spahiu