GJERMANI- Kompania Pfizer do të vonojë shpërndarjen e vaksinave me tre-katër javë. Lajmin e ka bërë të ditur Ka-News, ku shkruan se shkak për këtë vonesë është rinovimi i një prej uzinave të Kompanisë. Rinovimi i uzinës Puurs ka bërë që dërgesat e vaksinave të vonohen në të gjitha shtetet që kanë porositur.
Në lidhje me këtë ka reaguar edhe Ministri i Brendshëm i Republikës Baden-Württemberg, Manne Lucha, ku tha se kishte marrë një njoftim nga Pfizer për këtë gjë. Më tej ai tha se do të punohet për të menaxhuar vaksinat që janë deri sa të fillojë përsëri shpërndarja.
“Ashtu si kolegët e mi nga qeveritë federale dhe shtetërore, unë e kam marrë shënim të papritur nga Komisioni dhe Pfizer. Baden-Württemberg mori një vendim të ndërgjegjshëm për të mbajtur gjysmën e dozave për vaksinimin e dytë. Qëllimi ynë është që i gjithë populli të marrin dozën e parë, Pavarësisht nga infrastruktura jonë e vaksinimit Baden-Württemberg mbështetet në sigurinë dhe besueshmërinë. Lajmet e sotme në lidhje me vonesat e mëtejshme të shpërndarjes konfirmojnë qartë vendimin tonë,” tha ai.
Një nga vendet ku janë vonuar më shumë shpërndarja e vaksinave të Pfizer është Italia. Autoritetet në Itali kanë thënë se do të marrin masa ligjore nëse vaksinat nuk do të dërgohen të gjitha.
