‘Lufta është në prag’ – Vuçiç: Skenar i zymtë për mbarë kontinentin

Presidenti serb, Alexander Vuçiç, ka dhënë një intervistë për Tv Prva, përmes së cilës ka komentuar të gjitha zhvillimet kryesore politike që lidhen me vendin e tij, e për rrjedhojë me rajonin. Ai ka komentuar situatën e krijuar në Parlamentin e Serbisë, që është sipas tij shembull i faktit se demokracia funksionon në vend pasi askush nuk u ndëshkua. Nga ana tjetër, Vuçiç ka folur për një lloj serbofobie të manifestuar nga një figurë e njohur që jeton në Serbi të cilit nuk ia përmendi emrin.

“Sesioni parlamentar ishte i mirë sepse aty ekspozova disa të pavërteta, por një gjë më shqetësoi shumë…Ne kemi një urrejtës të serbëve në Beograd, që është njëri i rëndësishëm. Është europian dhe urren serbët dhe Serbinë kaq shumë saqë është e pabesueshme. Kjo është diçka e rrallë. Kam parë shumë njerëz që urrejnë Serbinë, por nuk kam parë kurrë një njeri të tillë. Ata nuk dinë më se çfarë të bëjnë me tërbimin dhe urrejtjen kundër popullit serb”, u shpreh Vuçiç.

Presidenti ka pranuar gjithashtu se ka presion të madh ndaj Serbisë për çështjen e Kosovës, të cilën Perëndimi po kërkon ta zgjidhë sa më shpejt dhe ka interpretuar me pikëpamjen serbe situatën e tanishme gjeopolitike në Europë e cila po pëshkallëzon drejt kaosit.

“Ne po përballemi me krizën më të madhe që bota ka pare. Në 5-6 muajt e ardhshëm do të kemi konflikte ndër më të mëdhatë” – deklaroi Vucic.

Presionet do të jenë pakrahasueshmërisht më të mëdha mbi çështjen e Federatës Ruse. Do të ketë presion të fortë mbi Republikën e Kosovës. Në këtë moment nuk është ende e qartë se kush po fiton në Ukrainë. Është shumë e vështirë të fitosh mbi Perëndimin dhe unitetin e tyre në këtë moment” – është shprehur Vuçiç teksa ka paralajmëruar kështu një skenar të zymtë për mbarë kontinentin.