Bota
Lufta në Ukrainë, Islanda mbyll ambasadën e saj në Moskë
Islanda ka mbyllur ambasadën e saj në Moskë për shkak të luftës në Ukrainë, duke u bërë vendi i parë që ndërmerr një hap të tillë. Në fillim të qershorit, ministri i jashtëm i Islandës, Tordis Gylfandottir tha se situata aktuale nuk e lejon delegacionin e vogël diplomatik të operojë në Rusi.Islanda është vendi i parë europian që ka marrë një masë të tillë që nga fillimi i luftës në Ukrainë. Reykjavik theksoi se kjo nuk është një ndërprerje e marrëdhënieve diplomatike.
“Kur kushtet të na lejojnë, Islanda do t’i japë përparësi rifillimit të aktiviteteve të ambasadës islandeze në Moskë,” tha ambasada islandeze në një deklaratë.
Islanda, me popullsi 375,000, ka hapur ambasadën në Moskë që nga viti 1944.
Islanda ishte vendi simbolik i takimit Lindje-Perëndim në fund të Luftës së Ftohtë me samitin e vitit 1986 midis Presidentit të SHBA-së Ronald Reagan dhe liderit të Bashkimit Sovjetik Mikhail Gorbachev.