Bota
Lukashenko nënshkruan ligjin, ndalon mediat “jomiqësore” në Bjellorusi
Presidenti i Bjellorusisë Alexander Lukashenko nënshkroi ligjin që ndalon mediat “jomiqësore” nga vendet e huaja në Bjellorusi.
Ky vendim vjen pasi Lukashenko njoftoi se kreu i Wagner-it, Yevgeny Prigozhin ishte në Bjellorusi si pjesë e një marrëveshjeje të ndërmjetësuar pasi grupi i tij ushtarak privat tentoi një rebelim kundër Kremlinit. Në të njëjtën kohë, Lukashenko njoftoi se shumica e armëve bërthamore që Rusia kishte planifikuar të staciononte në Bjellorusi kishte mbërritur.
“Dokumenti synon përmirësimin e mekanizmave për mbrojtjen e interesave kombëtare në sferën mediatike, si dhe zgjerimin e mjeteve për t’iu përgjigjur veprimeve jomiqësore kundër Bjellorusisë”, thuhet në deklaratën për ligjin e ri.