Kronike
Me armë në makinë, pranga 2 të rinjve në qendër të Tiranës, sekuestrohen 82 mijë dollarë
Dy të rinj, 19 dhe 20 vjeç, janë arrestuar në qendër të Tiranës, pasi ishin të armatosur. Ata lëviznin me armë me vete dhe siç shihet në pamje, në momentin që policia ka ndërhyrë për t’i arrestuar kanë pasur armë në makinë.
Më pas, gjatë kontrollit që efektivët kanë ushtruar në banesën e Rejdi Pashës kanë gjetur një tjetër armë, si edhe 82 000 dollarë amerikan, 590 000 lekë të rinj, pranga si ato të Policisë, katër mjete prerëse, një peshore elektronike, dhe dy aparate celulare, të cilat janë sekuestruar.
“Gjatë kontrollit të shtetasit Agostin Kiçi, shërbimet e Policisë, i gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak. Në vijim të veprimeve, gjatë kontrollit të banesës së shtetasit Rejdi Pasha, shërbimet e Policisë gjetën dhe sekuestruan një armë zjarri pistoletë, 82 000 dollarë amerikan, 590 000 lekë të rinj, pranga si ato të Policisë, katër mjete prerëse, një peshore elektronike, dhe dy aparate celulare.