Kronike
“Më ndihmo, ose do ketë gjakderdhje”/ Si e kërcënonte Altin Çoku mjekun
Nesër në Gjykatën e Tiranës pritet të dalë për masë siguri Altin Çoku, i cili akuzohet për shtyrje drejt vetëvrasjes së një 27-vjeçareje, së cilës i kishte postuar disa foto intime në rrjetet sociale.
Prokuroria ka kërkuar masën e sigurisë ‘arrest me burg’ për Çokun, ky i fundit rezulton i dënuar me burg për kanosje nga një mjeku, të cilin e kishte kërcënuar me jetë.
Sipas dosjes në telefonin e mjekut janë gjetur mesazhe kërcënuese të dërguara nga Altin Çoku, përmbajtja e të cilave është përshkruar në vendimin e Gjykatës së Shkallës së Parë për Krime të Rënda Tiranë, objekt ankimi.
“Gëzim un jam në hall dhe me ndimo po deshte me i marr lekt tuja, dhe nese nuk do me pas gjakderdhje un per 5 minuta jam dhe vet aty gzim me ndimo te lutem deri neser…”, është mesazhi kërcënues që Çoku i ka dërguar mjekut./balkanweb