Meghan Markle ka hedhur akuza të forta ndaj familjes mbretërore duke thënë se nuk dëshironte që djali i saj, Archie të ishte një princ. Në intervistën për Oprah Winfrey, dukesha e Sussex-it tha se familja mbretërore ishte e shqetësuar për faktin sesa e errët do të ishte lëkura e djalit të saj.
Markle hodhi poshtë lajmet se ajo dhe Harry kishin vendosur që Archie të mos kishte një titull mbretëror, të cilin ia dhuronte Mbretëresha, me pretendimin se donin që ai të kishte një jetë normale.
Kur Harry u pyet për bisedën në fjalë, ai u shpreh: “Atë bisedë që nuk do ta ndaj kurrë, por në atë kohë, ishte e vështirë. Isha pak i tronditur”.
Meghan Markle ka rrëfyer mes lotësh stresin e përjetuar brenda familjes Mbretërore britanike. Në një intervistë të shumëpritur përballë Oprah Winfery, Meghan u shpreh se në muajin e pestë të shtatzënisë kishte menduar edhe vetëvrasjen.
Ndërsa çifti nuk kishte asgjë përveç lëvdata për mbretëreshën, intervista zbuloi shumë të pathëna rreth tyre dhe tani të gjithë janë në pritje të reagimit nga Pallati Buckingham.
