BRUKSEL-Sekretari i përgjithshëm i Kombeve të Bashkuara, Antonio Guterres, ka mbajtur ditën e sotme, konferencën e fundvitit. Në deklaratën e tij ai e ka quajtur vitin 2021 një vit sprovash, tragjedish dhe lotësh, për shkak të përballejes me Covid-19. Ndërkohë, që ka bërë thirrje për unitet dhe solidaritet për të lënë pas një vit ku dominoi pandemia koronavirus me vuajtjet e vazhdueshme dhe zinë që solli bashkë me tragjeditë njerëzore.
“Të dashur miq, 2020-ta ishte një vit sprovash, tragjedish dhe lotësh. Covid-19 ndikoi jetët tona dhe zhyti botën në vuajtje dhe zi. Kemi humbur shumë të dashur dhe pandemia vijon duke krijuar valë të reja të infeksionit dhe vdekjeve. Varfëria, pabarazia dhe uria po rritet. Vendet e punës po zhduken dhe borxhet po rriten. Fëmijët po vuajnë. Dhuna në familje po shtohet dhe pasiguria është kudo. Por, Viti i Ri është para nesh, dhe me të, ne shohim një rreze shprese: njerëzit po u shtrijnë dorën e ndihmës fqinjëve dhe të huajve; punonjësit në frontin e parë po bëjnë maksimumin, shkencëtarët po zhvillojnë vaksina në kohë rekord; vendet po bëjnë përpjekje të reja për të parandaluar katastrofën klimatike”, u shpreh sekretari i përgjithshëm i OKB-së.
Gjithashtu, Guterres shtoi se synimi kryesor i Kombeve të Bashkuara për vitin 2021 është të luftojë me krizën klimatike, përveç përhapjes së Covid-19.
Së bashku, le të bëjmë paqe mes nesh dhe natyrës, të luftojmë krizën klimatike, të ndalojmë përhapjen e Covid-19 dhe ta bëjmë 2021 një vit shërimi. Shërim nga impakti i virusit vdekjeprurës. Të shërojmë ekonomitë dhe shoqëritë e thyera si dhe përçarjet,”-ka thënë ai.
