Vendi ynë sot do të mbizotërohet nga alternime kthjellimesh dhe vranësirash duke sjellë një mot me diell me reshje në të gjithë territorin. Në zonat veri-perëndimore reshjet do kenë intensitet më të lartë duke ndikuar negativisht në situatën e përmbytjeve.
Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga 00°C në 06°C, në zonat e ulëta nga 07ºC në 12°C dhe në zonat bregdetare nga 10°C në 14°C.
Vlora nën ujë
Reshjet e dendura të shiut që kanë përfshirë gjithë territorin e vendit gjatë natës, kanë rikthyer përmbytjet në qytetin e Vlorës.
Disa prej rrugëve kryesore janë nën pushtetin e ujit, ndërkohë që si gjithmonë problemante janë akset që lidhin bulevardin Vlorë Skelë me rrugën Transballkanike.
Problematike mbetet lagjia Pavarësia, zona pranë Portit Detar dhe Universitetit të Vlorës, zona e Albano dhe Rominës, por edhe lagjia 28 Nëntori pranë kishës Ortodokse në Vlorë.
Ujësjellës Kanalizimet janë në gatishmëri, por situata sa herë ka reshje të dendura është e pa menaxhueshme.
