Arrestimet e një nate më parë, nuk i ndaluan holandezët të protestojnë sërish. Policia përdori ujë dhe gaz lotsjellës kundër protestuesve, të cilët sërish u ngritën kundër kufizimeve. Protesta gjatë të cilave mbrëmë u arrestuan të paktën 70 persona.
Sidoqoftë, arsyet e vandalizmit që janë parë nga Roterdami deri në Amsterdam nuk janë më aq të qarta, veçanërisht pasi protestuesit janë adoleshentë.
Kryetari i qytetit të Roterdamit lëshoi një urdhër emergjence duke udhëzuar njerëzit në qendër të qytetit të largoheshin nga zona ndërsa oficerët u përplasën me grupe protestuesish.
Policia ka dhënë 6.000 gjoba për shkeljen e ndalimit të lëvizjes midis orës 21.00 dhe 4.30 të mëngjesit.
Kryeministri Holandez Mark Rutte e quajti dhunën “të papranueshme”, duke shtuar: “Kjo nuk ka asnjë lidhje me protestën, është dhunë kriminale dhe kështu do ta trajtojmë atë.”
Të paktën në 10 qytete në të gjithë Holandën pati përplasje të Dielën dhe një nga më të goditurit ishte Eindhoven.
