Drejtësia në Argjentinë vendosi që pesë fëmijët e Diego Maradonës janë trashëgimtarë të pasurisë së legjendës së futbollit.
Dalma dhe Xhiana janë vajzat e martesës së yllit me Klaudia Vilafane, me të cilën ai u divorcua më vonë, Diego Zhunior dhe Jana nga çështje të ndryshme jashtëmartesore, ndërsa Diego Fernando, më i vogli, lindi kur Maradona kishte një marrëdhënie me Veronika Ojeda.
Pasuria e Maradonës është një mister. Ka prona, makina, bizhuteri dhe një koleksion bluzash dhe sendesh të tjera që ai i çmoi gjatë karrierës së tij të shkëlqyer. Ekzistojnë gjithashtu të drejtat për markën Diego Maradona, të cilat ish-futbollisti do t’ia transferonte avokatit të tij Matías Morla ndërsa ishte gjallë dhe që tani do të jetë subjekt i një oferte ligjore.
Të paktën dy kërkesa për pretendime të tjera janë proceduar në gjykatë për mbiemrin Maradona, por pasi nuk ka pasur shpallje përfundimtare, ato nuk mund të njihen si trashëgimtarë. Kapiteni i ekipit kombëtar të Argjentinës që fitoi Kupën e Botës 1986 vdiq nga infarkt i zemrës rreth tre muaj më parë, ndërsa po shërohej nga operacioni për të hequr një hematomë në kokën e tij.
PANORAMASPORT.AL
