Një ngjarje e rëndë u regjistrua mëngjesin e sotëm në aksin rrugor Levan-Qarr në vendin e quajtur “Kthesa e Qarrit”, ku dy persona humbën jetën pasi makina më te cilën udhëtonin përfundoi në një kanal me ujë.
Viktimat e aksidentit janë një burrë dhe një grua, identiteti i të cilëve ende nuk është bërë i ditur.
“Më mori në telefon një Bujar Troka këtu. Më tha hajde me sekonda se është mbytur një makinë. Ndeza zetorin dhe vij brenda 10 minutave këtu te vendi i ngjarjes. Takoj një Haki, nuk e di ca mbiemri ka. Ku është makina i thash, ka rënë brenda në ujë. Po personat ku janë, janë brenda tha ai. Në këtë unë marr papagallin e zetorit, i futem te xhami i mbrasëm, e godas dhe i nxjerr personat. I vë litarin makinës dhe e nxjerr lartë, personat ishin mbytur. Kur Hakiu ishte këtu, po shikonte që donin të dilnin nga xhami i mbrasëm dhe i binin xhamit. I thash pse s’more një gur që ta thyeje që të dilnin”,-u shpreh banori.
