Connect with us

Aktualitet

Nikollaq Neranxi: Pyetjet e munguara të Ramës në Këshillimin Kombëtar!

Published

on

Nga Nikollaq Neranxi

 

Cili është ai mekanizëm që një qeveri vë në lëvizje kur nuk arrin të përmbushë misionin për të cilin u votua? Është i vjetër pothuajse sa vetë politika mbi këtë planet dhe quhet populizëm, një shpërlarje truri me qëllimin e vetëm për të përligjur më pas çdo vendimarrje, sepse “Kështu ka vendosur populli!”. Sovrani thirret në kauzë për të diskutuar për çështje të mëdha, për të cilat ekzistojnë institucionet e votëbesuara.

 

Në fakt demokracia dhe populizmi nuk kanë fare lidhje me njëra tjetrën: e para është një sistem funksionimi përmes përfaqësimit, ndërsa e dyta është një ideologji e dështuar që në kohën e Sokratit. Populizmi e vë demokracinë në rrezik, sepse braktis popullin dhe josh turmat. Por edhe pse e tillë, Rama po e ripërdor, pasi ka thirrur këto ditë popullin përmes një pyetësori të cilin e quan Këshillim Kombëtar. Pra populli është sovrani që vendos nëpërmjet votës në demokraci, por zerohet në populizëm dhe as deputetët që ka zgjedhur si përfaqësuesit e tij në Parlament, nuk hyjnë në punë, sepse Kryeministri paska nevojë për këshillim facebooku!!!

 

Kështu, populli i rrjetit, këto ditë është gjendur para pyetjeve madhore të kryeministrit dhe përgjigjen e kërkon prej tyre.

 

“Si mendoni, a ta legalizojmtë hashashin? Po gjobat e biznesit të madh, t’i lëmë kaq apo t’i rrisim edhe ca?” – ishin disa nga pyetjet.

I bindur se njerëzit, në shumicën e rasteve janë pa formimin e duhur për të argumentuar mbi tema të tilla, Ramës i duhet një gjë tjetër në fakt, i duhen reagimet irracionale, pasionante, pa argumenta, euforike, konfuze dhe shpesh me gjuhë urrejte e plot mllef.

 

Le të marrim argumentin e gjobave. Rama pyet nëse gjobat e biznesit të madh duhet të rriten nëse ai bën evazion apo janë mirë kaq? Fokusi është vënë qëllimisht tek biznesi i madh, sepse gjatë gjithë kohës si kryeministër, Rama ka synuar që njerëzit ta shohin sipërmarrësin e një biznesi të madh, si një individ të urryer, të përçmuar, prandaj dhe togëfjalëshi “Gjobë dhe biznes i madh”, duhet të rrijë i skalitur në mendjet e tyre.

 

Në fakt Rama e di dhe e njeh mirë fuqinë e një sipërmarrësi serioz. Ajo është shumë më e madhe se e çdo qeverie dhe çdo kryeministri të cilët në ato karrike janë të përkohshëm.

 

Sipërmarrësi është i vetmi i cili vetëm me punën e tij, ka arritur të bëjë atë që se bën dot kurrë një qeveri, sidomos një e korruptuar si kjo e Ramës.

 

Ai punëson njerëz, paguan taksa dhe çon ekonominë përpara. Dhe në fakt në përgjigjet që lexova poshtë këtij argumenti në facebookun e Ramës, shumica njerëzve ndryshe nga pritshmëritë e tij, nuk ranë në kurth. Shumica i tërhoqën vemendjen se nuk janë problem gjobat, të mëdha apo të vogla qofshin, por njerëzit e punësuar për t’i kontrolluar ata. Administrata e Ramës është problemi! Natyrisht kishte edhe nga ata që i çonin Ramës ujin fiks te mulliri i tij, duke komentuar se sipërmarrësit jetojnë në vila dhe kanë jahte, ndërsa populli i shkretë vuan për bukën e gojës! Një linçim publik për të vetmit njerëz idealistë të cilët edhe pse shohin që i drejton një qeveri e korruptuar, besojnë akoma se ky vend mund të bëhet, prandaj dhe zgjerojnë aktivitetet e tyre dhe punësojnë njerëz. Në këtë frymë populiste dhe linçimi, u fol për kontrollin e paralajmëruar, shoqëruar me kërcënime serioze për biznese të cilat kanë një përqindje të lartë të punësuarish të deklaruar me pagën minimale.

 

Edhe këtu kemi të bëjmë me një nxitje të jashtëzakonshme për të urryer punëdhënësit dhe për t’i thënë punonjësve se jemi ne që mendojmë për ju, jo ata që ju kanë marrë në punë. Këtu hipokrizia dhe mashtrimi kalojnë në një tjetër nivel, por për fat të keq, shumë e kanë besuar si të vërtetë.

 

E vërteta në këtë rast, ka të bëjë vetëm me nevojën e qeverisë për të mbushur arkën e zbrazur e të vjedhur të shtetit, me para të vjelura nga fondi i Sigurimeve Shoqërore dhe pjesa tjetër është vetëm propagandë dhe kërcënim. Evazioni nuk kontrollohet dhe nuk zhduket duke përdorur pagën si argument, sepse dihet që ka plot mekanizma efikase për ta mbajtur atë nën kontroll dhe shteti ato mekanizma i ka. Rama kërkon të krijojë idenë se ai është në anën e punëmarrësve, meqë ata gjakpirësit, po ju mohojnë pensionin duke ju paguar në të zezë!

 

Por le ta marrim për një moment si një logjikë ekonomike që funksionon, atëherë si mund të përkthehet kjo në më shumë mirëqënie? Në kushtet që po jetojmë, nuk është paga minimale ajo që shkakton varfëri, por e gjithë mënyra se si funksionon sistemi ynë ekonomik. Taksat e ngritura, energjia elektrike, uji, karburanti, gazi, gjithashtu me çmime super të larta dhe të gjitha në rritje të vazhdueshme, sjellin rritje të çmimeve me të cilat ne përballemi për ditë dhe pagat bëhen gjithnjë e më të pamjaftueshme që të përmbushin nevojat e punëmarrësve të cilët janë edhe konsumatorë. Propaganda punon fuqishëm edhe në këtë drejtim, duke rritur me ndonjë qindrakë pagat për të punësuarit në shtet, por të gjithë tashmë e dinë se nuk ka mirëqënie kur dikush të jep 10 lekë me një dore dhe të merr 100 me dorën tjetër. Prandaj në Këshillimin kombëtar, Rama në vend të pyetjeve sensacionale, por pa asnjë vlerë për njerëzit, mund të ngrinte fare mirë probleme të cilat kanë të bëjnë ekskluzivisht me xhepat e tyre. Sepse edhe në rastin e hashashit nëse legalizohet, dihet që Rama do ia japë me PPP 5 miqve të tij dhe përsëri do pasurohen të njëjtit njerëz. Pra kjo nuk do përkthehet në mirëqënie për shumicën, ashtu si në rastin e rritjes së detyrimeve apo gjobave të biznesit, sipërmarrja do vihet në vështirësi dhe do pushojë njerëz nga puna si dhe do rrisë çmimet e produkteve apo shërbimeve të tyre, pra përsëri do ketë më shumë varfëri për njerëzit.

 

Nuk e di se cilat do të jenë pyetjet e rradhës së Kryeministrit tashmë të kthyer në një bloger, por që fasada e tij e qeverisjes me popullin, të duket pak më e kuruar, ai duhet patjetër të bëjë edhe këto pyetje:

 

A duhet qeveria të ulë taksat e biznesit që ai të rrisë pagat e të punësuarve?

 

A duhet qeveria të ulë çmimin e energjisë, gazit dhe karburantit për ju, që të keni më shumë lekë në portofolet tuaja, por edhe për biznesin që ata të ulin çmimet dhe përsëri ju të keni më shumë lekë në portofolet tuaja?

 

A duhet qeveria të ndalojë dhëniet më konçesion dhe PPP të pasurive publike që i përkasin të gjithëve, por që pasurojnë vetëm disa individë?

Sa duhet t’i rrisë qeveria pagat dhe pensionet?

A duhet qeveria të ndalojë terrorin e nxjerrjes zvarrë të njerëzve nga shtëpitë e tyre, apo duhet të gjejë gjuhën e përbashkët me ta?

 

Pyetjet e tjera të shumta që kanë të bëjnë me problemet tuaja reale, mund t’i rendisni në komentet që bëni në faqen e Ramës.

Aktualitet

Dy policët përplasen me njëri-tjetrin, plagoset njëri prej tyre

Published

on

By

Një ngjarje e rëndë ka ndodhur pak minuta më parë në Tiranë. Dy efektivë në Komisariatin 3 janë përplasur me armë dhe për pasojë njëri prej tyre është plagosur rëndë.

“Në komisartian 3 sa ka ndodhur një ngjarje e rëndë, një oficer policie sapo ka qëlluar kolegun e vet. Më nisën një video ku po transportohet polici në spital. Ata janë oficerë të patrullës, dy policët kanë qëlluar njëri-tjetrin në komisariat. Është një ngjarje e rëndë, shpresojmë mos ketë pasoja me humbje jete”, tha Hoxha në “Log.”.

Në spital është dërguar në gjendje të rëndë C. S., i cili është futur në sallën e operacionir. Ndërsa autori L. Z ndodhet në komisariat.

Priten në vijim detaje për ngjarjen e rëndë. Abcnews.al do t’ju mbajë të informuar.

Continue Reading

Aktualitet

60 vjeçari dërgohet i plagosur në spital

Published

on

By

Në mbrëmjen e sotme mësohet se ka pasur një armë zjarri në këtë gjendje të Kombinatit në Tiranë.

Bëhet me dije se 60-vjeçari është dërguar në spital të plagosur.

60-vjeçari që dyshohet se vuan nga probleme te shëndetit mendor ka shkuar në spital për ndihmë mjekësore, i dëmtuar në këmbë me armë zjarri.

Paraprakisht bëhet me dije se i plagosuri nuk ka rrezik për jetën. Nuk dihen rrethanat e ngjarjes

Continue Reading

Aktualitet

Mjekët nisin trajnimet për të zbuluar linë e mjamunëve në Shqipëri

Published

on

By

Persona të prekur nga lija e majmunit janë zbuluar  dhe në vendet fqinje. Shqipëria aktualisht nuk ka të infektuar prej saj, por a jemi të rrezikuar?

“Natyrisht risku ekziston, është i ulët, por vëmendje dhe vigjilenca duhen shtuar .”

Shefja e Departamentit të Sëmundjeve Infektive në Institutin e Shëndetit Publik Silva Bino tregon se për të dalluar linë e majmunit nga sëmundje të ngjashme kanë nisur trajnimet me mjekët.

“Mjekët mund ta ngatërrojnë, por ka elemente të rëndësishme për tu ditur. Nis me temperaturë rritje të gjendrave limfatike shenja në lëkurë.  Nisin nga fytyra, pëllëmbët shputat dhe në të gjithë trupin. Kalon në disa faza.”

Sëmundja tregon mjekja  prek çdo moshë,  zgjat rreth një muaj, përgjithësisht kalon lehtë, por tek personat me probleme të imunitetit mund të shkaktojë humbje jete.

“Zgjat deri 4 javë dhe është infektuese derisa zhvishet lëkura. Duhet të jemi të kujdesshëm mos prekim sytë se mund te çojnë në verbim.  Ata persona me dëmtime të imunitetit mund të bëjnë forma të rënda.” 

Lija  e majmunit mund të transmetohet në disa forma. “Veshjet apo mjetet e ngrënies së personit të infektuar mund të shërbejnë si transmetues .”

Për linë e majmunit nuk ka mjekim të aprovuar për tu përdorur në masë  ndërkohë që vaksina e variolës ofron mbrojtje. Vaksinimi për këtë sëmundje ka përfunduar në vitet 80 pasi të prekur prej saj nuk ka më në të gjithë botën.  Lija e majmunit është përhapur në 15 shtete të botës, por mjekët thonë se nëse të infektuarit ndiqen dhe izolohen sëmundja mund të kufizohet.

Continue Reading

Aktualitet

JA HARTA/ E lirë vetëm Unaza e Madhe dhe Rruga e Elbasanit, hermetizohet Tirana më 25 maj

Published

on

By

Tiranë ‘e hermetizuar’ më 25 maj. Të gjitha rrugët do të jenë të bllokuara në kryeqytet. Sipas hartës së siguruar nga gazetari i ntv.al,  rrugët ku do të lejohet lëvizja është vetëm Unaza e Madhe dhe Rruga e Elbasanit.

Për herë të parë në historinë e tij, kryeqyteti shqiptar do të presë një finale evropiane futbolli dhe Bashkia e Tiranës është përgatitur me të gjitha detajet që kërkon në ngjarje e tillë.

Në prag të ndeshjes Roma-Feyenoord më 25 maj, kryebashkiaku Erion Veliaj ka dhënë disa ditë më parë disa porosi të fundit për grupin koordinues, që po merret me organizimin, si dhe disa këshilla për qytetarët e Tiranës, duke qenë se ajo ditë do të jetë pa makina.

Qyteti po bëhet gati për të pritur tifozët që nuk do të bileta dhe do ta shohin ndeshjen jashtë stadiumit. Amfiteatri Veror i Liqenit dhe pedonalja “Murat Toptani” do të kthehen në Fan Zone për tifozët e Romës dhe Feyenoord, ndërsa sheshi “Skënderbej” do të presë tifozë neutralë, në mënyrë që edhe ata që nuk kanë bileta, ta shijojnë ndeshjen me po të njëjtën atmosferë si në stadium.

Pas Veliajt, Policia e Shtetit njoftoi për masat në finalen e Conference League në 25 maj. Drejtori i Përgjithshëm Gledis Nano u kërkoi qytetarëve të shmangin ardhjen në kryeqytet të mërkurën, por megjithatë gjithë eventin e konsideron si festë. I pyetur nëse janë marrë masa për tifozët e Feyenoordit, të cilët njihen për trazira, kreu i Policisë së Shtetit tha janë marrë masat për ndarjen që në ardhje të dy tifozerive.

Në një dalje pwr mediat, Policia e Shtetit bëri me dije të gjitha rrugët që do të bllokohen.

Ndeshja e vlefshme për Conference League do luhet në Tiranë në stadiumin ‘Air Albania’ me datë 25 maj. Nga 20 mijë bileta që janë gjithsej UEFA ka njoftuar se janë shitur 16.500 bileta nga të cilat 8 mijë në total për Romën dhe Feyenord, 4 mijë për secilën. Për rrjedhojë për publikun e thjeshtë në të gjithë botën u vunë dispozicion 8500 bileta u blenë nëpërmjet faqes së UEFA-s në një kohë rekord.

Continue Reading

Aktualitet

Meta dhe Osmani në 110-vjetorin e Kuvendit të Junikut

Published

on

By

Presidenti i Republikës Ilir Meta ditën e sotme ndodhej në Kosovë ku së bashku me Presidenten Osmani morën pjesë në 110-vjetorin e Kuvendit të Junikut. Presidentja Osmani tha se në këtë përvjetor është koha të rikujtojmë pjesëmarrësit e Kuvendit. Sipas Osmanit, Kuvendi i Junikut u mbajt në një moment vendimtar për Shqipërinë prandaj hyn në rrjedhën e ngjarjeve të rëndësishme historike.

Osmani: Kuvendi i Junikut shënon jo vetëm një datë historike, por një pikë orientimi për veprime kulturore. Ai shërbeu edhe si udhë-rrëfim për shumë vajza që dhanë jetën për Atdhe. Përkushtimi dhe trimëria e pjesëmarrësve të Junikut janë pikë reference e vazhdueshme nga e cila duhet të mësojë secili prej nesh. Ne duhet të kujdesemi që trashëgimia politike e këtij Kuvendi të shërbejë si udhërrëfyes për veprimin politik të këtij vendi. Vetëm duke vlerësuar të kaluarën ne mund ta ndërtojmë të sigurt të ardhmen tonë.

Në fjalën e tij, Presidenti Meta u shpreh se çdo shqiptar krenohet me veprën e madhe dhe të lavdishme të burrave të Kombit të cilët para 110 viteve lëshuan kushtrimin në Junik për liri.

Meta: Para 110 viteve në Kuvendin e  Juniku t, 250 burra të pendës dhe të pushkës, me në krye Hasan Prushtinën, Isa Boletinin dhe Bajram Currin dhe shumë patriotë të tjerë për 4 ditë dhe net debatuan dhe diskutuan për fillimin e një kryengritje të përbashkët në Kosovë për lirinë dhe pavarësinë e trojeve kombëtare. Në atë Kuvend, u lidh besa për çlirimin e trojeve shqiptare. Kuvendi i Junikut paraqiti platformën e pastër për çlirim. Treguesi i qartë ishin 12 pikat e programit të dalë nga Kuvendi i Junikut. Kuvendi i Junikut i parapriu këtij projekti madhor, kombëtar dhe pati kontribut të rëndësishëm për shpalljen e Pavarësisë së Shqipërisë. Sot pas 110 vitesh kemi shumë arsye, e të jemi mirënjohës atyre patriotëve që treguan në kohë të vështira largpamësi dhe i dhanë dritë një projekti të rëndësishëm kombëtar. I gëzohemi Shqipërisë si vend anëtar në NATO. Ne i gëzohemi më së shumti të sakrifikuarës së madhe 110 vjet më parë, Kosovës, që sot është një shtet i lirë dhe i pavarur, vend model. Ajo ecën e sigurt drejt integrimeve në institucionet ndërkombëtare. Ne jemi kontribuues të paqes dhe sigurisë. Jemi për fqinjësi të mirë për fqinjët tanë, pa paragjykime. Po kështu kemi treguar se jemi të hapur me të tjerët, por edhe më të bashkuar me njëri-tjetrin. Ne ndodhemi para sfidave të mëdha, e ato sfida duhet t’i pranojmë. E përjetshme vepra e atdhetarëve tanë këtu në Kuvendin e Junikut. Rroftë populli shqiptar, suksese Kosovës dhe Këshillit të Evropës

Continue Reading
Advertisement
Advertisement

TRENDING