OBSH: Covid nuk është një parantezë e mbyllur

Pandemia nuk ka mbaruar dhe Covid nuk është një parantezë e mbyllur.

Ekspertë nga Organizata Botërore e Shëndetësisë I kanë bërë thirrje autoriteteve shëndetësore të vendeve të ndryshme që të marrin në konsideratë mundësinë e dhënies së një përforcuesi të dytë të vaksinës Covid tek të moshuarit, gratë shtatzëna, profesionistët shëndetësorë, njerëzit me sistem imunitar më të dobët dhe ata me rrezik më të madh të sëmundjeve serioze.

“Ky virus ka tendencë të shfaqet në valë që vijnë çdo tre ose katër muaj ose më shumë. Vështirësia është se ende nuk po mësohemi me virusin dhe mënyrën se si ai ndryshon. Ne parashikojmë se do të ketë valë të reja në hemisferën veriore në muajt e ardhshëm”, tha David Nabarro i OBSH

Ai gjithashtu tha se “Të gjitha vendet duhet të bashkohen dhe të sigurohen që vaksina të arrijë në kohë dhe se nuk duhet të ketë dy shpejtësi në të cilën vendet e pasura marrin vaksinën në fillim dhe vendet më të varfra duhet të kënaqen me thërrimet”. .

OBSH rekomandon gjithashtu që të merret parasysh administrimi i vaksinës Covid krahas vaksinës së gripit sezonal aty ku është e mundur.