Ai është një nga aktorët e humorit më të dashur për publikun, i cili ka ditur mjaft mirë të fitojë zemrat e të gjithëve me thjeshtësinë e tij në skenë. Bëhet fjalë për Olsi Bylykun. Ky i fundit i ftuar në emisionin e Roza Latit ka shprehur hapur mendimin e tij për VIP-at shqiptarë.
I pyetur se çfarë nuk i pëlqen nga VIP-at, ai ka kthyer një përgjigje pa doreza. “Dëshira për të bërë sa më shumë lek. Mosvlerësimi dhe tangërllik i tepruar”, tha Olsi.
Këto kohë Olsi ka qenë shumë aktiv në karrierën e tij, qoftë në televizion, por edhe në muzikë. Kujtojmë se para disa javësh ai nisi një “late night show”, “Roped with Olsi”, në të cilin ka pasur të ftuar disa personazhe të njohur.
