Sport
Pamjet e publikuara nga dhoma, ku Maradona kaloi ditët e fundit të jetës (FOTO) tha se…
Diego Armando Maradona u shua në moshën 60-vjeçare pas një sulmi në zemër. Mediat e huaja kanë publikuar edhe pamjet nga dhoma e gjumit, ku ylli kaloi momentet e fundit të jetës.
Pas daljes nga spitali, Maradona u vendos në një dhomë në katin e parë të banesës, e cila më parë kishte qenë një sallë lojërash.
Mirëpo, pas operacionit ish-futbollisti e kishte të vështirë të ngjiste shkallët dhe për këtë arsye, familja i kishte përgatitur këtë dhomë.
Ndërkohë, oficerët gjyqësorë në Argjentinë po investigojnë mbi vdekjen e yllit të futbollit Diego Maradona, ndërsa kanë nisur kërkimet edhe mbi pronat e mjekut personal të ish-futbollistit.
Urdhri u lëshua nga prokurorët në Buenos Aires, të cilët nuk kanë dhënë detaje mbi indiciet që çuan në këtë investigim. Maradona gjeti vdekjen si pasojë e një ataku kardiak pak ditë më parë, në 25 nëntor. Avokati i ish-futbollistit Matias Moria deklaroi se ai do të kërkojë një investigim të plotë mbi rrethanat e vdekjes së Maradonës, dhe kritikoi shërbimin e urgjencës që sipas tij ka qenë i avashtë në asistimin e pacientit.
Avokati deklaroi se kaluan më tepër se 30 minuta para se ambulanca të mbërrinte dhe kjo ishte një idiotësi kriminale, siç e quajti ai.